Ashq-E-Ashiqi

Dil Kabhi Dil Se Juda Nahi Hote,
Yuhi Hum Kisi Par Fida Nahi Hote,
Pyar Se Bada To Dosti Ka Rishta Hai,
Kyuki Dost Kabhi Bewafa Nahi Hote…

Zindagi Roz Naye Rang Mein Dhal Jaati Hai ,
Kabhi Dushman To Kabhi Dost Nazar Aati Hai,
Kabhi Chha Jaaye, Baras Jaaye, Ghata Be-mausam ,
Kabhi Ek Boond Ko Bhi Rooh Taras Jaati Hai

Karoge Yaad Ek Din Tum Dosti Ke Zamane Ko,
Chale Jayenge Jis Din Hum Kabhi Na Wapas Aane Ko…
Chedega Mehfil Me Zikar Hamara Koi,
To Chale Jaoge Tum Tanhai Mein Aansoo Bahane Ko

Maayusiyon Ki Dhool Se Har Naksh Hai Dhundhala Tera.
Maine Kabhi Ae Zindagi Dekha Nahin Chehra Tera.
Tu Bhi Kabhi Mehsoos Kar Kya Hai Bikharne Ki Tadap.
Ek Roz Bazi Yun Saje Sheesha Tera Pathar Mera.

Jisne Humko Chaha, Use Hum Chah Na Sake,
Jisko Chaha Usse Hum Pa Na Sake,
Yeh Samajh Lo Dil Tutne Ka Khel Hai,
Kisi Ka Toda Aur Apna Bacha Na Sake

Tumhara Hamara Rishta To Aankhon Aur Palkon Jaisa Hai,
Agar Palak Kuch Der Na Jhapke To Aankh Ro Deti Hai…
Aur Agar Aankh Mein Kuch Chala Jaye To Palak Tadap Uthti Hai…

Tute Khawbao Ko Phir Sajana Aata Hai,
Ruthe Dil Ko Manana Aata Hai…
Aap Hamare Gum Ko Dekhkar Pareshaan Na Ho,
Humein To Dard Mein Bhi Muskarana Aata Hai…

Har Phool Ki Ajab Kahani Hai,
Chup Rehna Pyaar Ki Nishani Hai..
Kahi Koi Zakham Nahi Hai Phir Bhi Kyon Yeh Dard Ka Ehsaas Hai,
Lagta Hai Dil Ka Ek Tukda Aaj Bhi Unke Paas Hai….

Teri Pyar Ka Sila Har Haal Mein Denge,
Khuda Bhi Maange Yeh Dil To Taal Denge..
Agar Dil Ne Kaha Tum Bewafa Ho,
To Is Dil Ko Bhi Sine Se Nikal Denge….!!!

Bag Ki Baat Baag Ka Mali Hi Samje,
Fulo Ka Dard Zukti Dali Hi Samje,
Ye Kaisi Rit Banai Duniya Walon Ne,
Diye Ka Dil Jale Aur Log Diwali Samje

Aap Har Manzil Ko Mushkil Samajhte Hain,
Hum Aapko Manzil Samajhte Hain…
Bada Fark Hai Hamare Aur Aapke Nazariye Me,
Aap Hame Sapna Or Hum Aapko Apna Samajhte Hain…..

Pyaar Gazal Hai Gungunane Ke Liye,
Pyaar Nagma Hai Sunane Ke Liye,
Ye Woh Jazba Hai Jo Sabko Milta Naahi,
Kyunki Hosla Chaahiye Pyaar Nibhane Ke Liye..

Nakaam Si Koshish Kiya Karte Hain,
Hum Hain Ki Unse Pyar Kya Karte Hain…
Khuda Ne Takdir Me Ek Tuta Tara Nahi Likha,
Aur Hum Hain Ki Chaand Ki Aarzu Kiya Karte Hain….

Wo Mil Jate Hai Kahani Bankar…
Dil Mein Bas Jate Hai Nishani Bankar…
Jinhe Hum Rakhte Hai Apni Aakho Mein..
Kyo Nikal Jate Hai Wo Pani Bankar….

Samjha Na Koi Dil Ki Baat Ko,
Dard Duniya Ne Bin Soche He De Diya….
Sah Gaye Jo Hum Agar Dard Ko Chupke Se,
To Phir Humko Patthar Dil Keh Diya…

Nafrat Thi Hamse To Izhar Kyo Kiya?
Dena Tha Jahar To Pyar Kyo Kiya?
Dekar Jahar Kahte Hain Ki Peena Hi Hoga,
Aur Jab Pee Gaye Jahar To Kahte Hain Jeena Hi Hoga..

Collection By,
Abrar Ahmed…

Heeren Tanna

Hum Jale To Chirag SamaJh Baithe, Mehke To Sab Gulaab SamaJh Baithe, Lafzo Me Kisi Ne Mere Dard Na Dekha,Shayri Padhi Aur Shayar SamaJh Baithe.

See Full Bio